1967 ആഗസ്റ്റ് 15 തീയ്യതി മാർ ജൊസഫ് കുണ്ടുകുളം പിതാവ് അടിത്തറ പാകിയ പുല്ലഴി സെൻറ് ക്രിസ്റ്റീന ഹോം എന്ന ഈ സ്ഥാപനത്തിലേക്കു ഓരോ തവണ കടന്നുവരുമ്പൊഴും വളരെ സന്തോഷത്തോടെയാണ് തിരിച്ചുപോകാറുള്ളത്. അമ്മതൊട്ടിലിലൂടെയും മറ്റ് ഇവിടെ എത്തിച്ചേർന്ന പൈതങ്ങളെയും ഏല്ലാവരാലും ഉപേക്ഷിക്കപ്പെട്ട് ഇവിടെ അഗതികളായി എത്തിച്ചേരുന്നവരേയും എറ്റവും കരുണയോടെയും കരുതലോടെയുമാണ് സിസ്റ്റേഴ്സും മറ്റും പരിചരിക്കുന്നതു്. യാതൊരുവിധ മടിയൊ മടുപ്പൊ കൂടാതെ സദാ പുഞ്ചിരിച്ചുകൊണ്ടു ദൈവമഹത്വത്തിനായി ചെയ്യുന്ന ഇത്തരം കാര്യങ്ങൾ കാണുമ്പോൾ എൻറെ മനസു നിറയാറുണ്ട്. ഇപ്പൊഴത്തെ ഡയറക്റ്ററായ ബഹുഃ ജോൺസൺ ചാലിശേരി അച്ചൻറെ നേതൃത്വ പാടവവും ഊർജ്ജസ്വലതയും കർമശേഷിയും ഈ സ്ഥാപനത്തെ ഉന്നതത്തിലേക്കുയർത്തുവാൻ കാരണമായിട്ടുണ്ട്. ഇവിടേ സേവനമനുഷ്ഠിച്ച മറ്റ് വന്ദ്യവൈദീകരേയും സന്യാസിനികളേയും ഞാൻ ഈ അവസരത്തിൽ സ്നേഹത്തോടെ ഓർക്കുന്നു. കരുണയുടെ കൈത്തിരി സമൂഹമനസാക്ഷിക്ക് മുൻപിൽ കൊളുത്തിവെക്കുവാൻ ഇതിൻറെ അണിയറ പ്രവർത്തകർക്ക് കഴിയട്ടെയെന്നു സർവേശ്വരനോട് പ്രാർത്ഥിച്ചുകൊണ്ടു, യേശുവിൽ സ്നേഹത്തോടെ,

Mar Thattil Raphael
Bishop - Shamshabad

"അപ്പനും അമ്മയും നിന്നെ ഉപേക്ഷിച്ചാലും കർത്താവു നിന്നെ കൈകൊള്ളും " എന്ന തിരുവചനം അന്വർത്ഥ മാകുംപോലെ ജാതി-മത-വർഗ്ഗ-വർണ്ണ ഭേദമന്യെ നിരാലംബർകും നിരാശ്രയർക്കും സുരക്ഷിതത്വത്തിൻറെ സ്നേഹക്കൂട് ഒരുക്കിയിരിക്കുകയാണ് പുല്ലഴിയിലെ സെൻറ് ക്രിസ്റ്റീന ഹോം. വിശ്വാസം എന്നതു വാക്കുകളിൽ മാത്രം ഒതുക്കിനിർത്താതെ പരസ്പര സ്നേഹത്തിൻറെയും സഹകരണത്തിൻറെയും സഹവർത്തിത്വത്തിൻറെയും സാക്ഷ്യങ്ങളായി മറ്റുള്ളവർക്കും മുന്നിൽ ജീവിച്ചുകാണിച്ചുകൊണ്ട് ഈ സ്ഥാപനവുമായി ബന്ധപ്പെട്ടു നിലകൊള്ളുന്ന ഒരോരുത്തരും ചെയ്യുന്നത് ഇതിൻറെ നടത്തിപ്പുകാരോടു ചേർന്നു കരുണയുടെ നീർചാലുകൾ വറ്റിയിട്ടില്ലാത്ത സുമനസുകളുടെ കൂട്ടായി പ്രവർത്തനങ്ങൾ ഈ സ്ഥാപനത്തിൻറെ വളർച്ചയിൽ നല്ലൊരു പങ്കുവഹിച്ചിട്ടുണ്ട്. അതിനൊരുദാഹരണമാണ് ഈ ജൂബിലീ സപ്ലിമെൻറ്. സെൻറ് ക്രിസ്റ്റീന ഹോമിൻറെ പ്രവർത്തനങ്ങൾ സമൂഹത്തിന് കൂടുതൽ ഉപകാരപ്രഥമാകുംവിധം മുന്നോട്ട് കൊണ്ടുപോകുവാൻ ഇതിൻറെ സാരഥികൾക് കഴിയട്ടെയെന്ന് ആത്മാർത്ഥമായി ആഗ്രഹിക്കുകയും, അതിനായി പ്രാർത്ഥിക്കുകയും ചെയ്തുകൊണ്ടു, വാത്സല്യത്തോടെ,

Mar Jacob Thoomkuzhy
Archbishop Emeritus